Paano na kaya?

ni Ruel Bayani

       Matalik na magkaibigan sina Mae at Bogs simula noong high school pa lamang sila. Wala silang itinatagong sikreto sa bawat isa. Sa paglipas nang panahon ay hindi na lang namamalayan ni Mae na unti- unti nang nahuhulog ang kanyang loob kay Bogs. Akala niya sa una na ito'y isang simpleng paghanga lamang sa kanyang matalik na kaibigan. Pero kalaunan ay napagtanto niyang ang kanyang nararamdaman para sa kanyang best friend ay hindi lamang isang simpleng paghanga kundi isang totoong pag-ibig.
       Inilihim ni Mae kay Bogs ang kanyang nararamdaman dahil alam niyang hindi tama at natatakot siya na baka iwasan siya ni Bogs. Bukod din sa katotohanang may mahal nang iba si Bogs at yun ay si Anna.
        Ginawa niyang lahat upang mawala ang kanyang nararamdaman kay Bogs pero mas lalong tumindi ang kanyang nararamdaman para dito sa paglipas nang panahon. Hindi na natiis ni Mae ang kanyang nararamdaman kay Bogs at nagkaroon siya ng pagkakataon na sabihin kay Bogs ang kanyang nararamdaman nang maghiwalay si Bogs at si Anna. Sinabi niya ang kanyang nararamdaman pati na rin ang pagiging manhid nito sa kanyang nararamdaman. Nabigla si Bogs sa kanyang nalaman mula sa kanyang kaibigan. Nang mapagtanto niya na may nararamdaman din siya para sa kanyang best friend.
        Niligawan niya si Mae at naging sila. Naging maligaya sila sa piling ng isa't isa kahit na sinubok ang kanilang relasyon ng mga problema. Si Anna na dating kasintahan ni bogs ay nagbalik at doon nakita ang katatagan ng pag-iibigan nila Bogs at Mae.
                                                                                                     Ibinuod ni: Nemiah F. Parcon